Samaín

O Samaín trouxo novas propostas de Mik. Para ir lembrando información sobre esta celebración enviounos a adaptación dun libro da biblioteca en formato vídeo. 

Tamén nos deixou esta presentación con mais información. Antes de levar a cabo as propostas é necesario documentarse ben.

Clica na imaxe

Con todos os datos frescos, chegou o momento das diferentes propostas, situadas en diversos espazos do centro. Na Biblioteca tocou facer unha pócema con herbas da contorna e un conxuro, na sala de luz negra unha actividade na que por en práctica as nosas dotes artísticas e logo dúas propostas nas que demostrar os coñecementos sobre esta celebración e sobre os Castros e castrexos, xa que o noso cole está construido sobre un (unha por equipos e outra en formato dixital).

Moitas grazas a Mik, as súas axudantes e tamén a quen puxo voz a ese conto.

Reapertura

Moi boas nenas e nenos, familias!!!! Aquí estamos de novo, comezamos a nosa andaina. Preparad@s para mil e unha aventuras?

Para aqueles que non estades cada mañan na escola imos a contarvos que os días 24 e 25 de outubro (preto do Día Mundial das Bibliotecas) tivo lugar a gran Reapertura. Foron días de visitar a biblio para recoller mochilas viaxeiras, carpetas, carnés...e para facer o visionado dun pequeno video co que lembrar algunhas cousiñas a ter en conta cando facemos uso deste espazo.

O día 25 foi o día máxico. Xa Mik nos escribira falando da conexión entre a lectura, as historias, e a maxia. Pois resulta que convidou a un mago, de nome Noel, para que nos fixese rir, espertase a nosa imaxinación e nos fixese crer que todo é posible. Moitísimas grazas, amigo ratiño, e Mago Noel, así como a tod@s os colaboradores.

Historias contadas

Como as historias é un pracer lelas pero tamén escoitalas, deixamos aquí unhas creadas e contadas polo alumnado de 5º de Primaria, resultado da proposta de aula de escrita creativa.

Como podedes ver, temos moitos talentos en relación á escrita. Todo un mundo no que moitísimas habilidades teñen o seu lugar e a súa importancia: crear as historias, escribilas, contalas,  ilustralas... Un mundo do que tod@s podemos participar.

Moitas grazas a estes creadores e contadores. Seguiremos procurando que teñades tempos e espazos para desenvolver, mellorar e experimentar estas habilidades e moitas mais.

                                     

                                          Capítulo 1 Clicade na imaxe                                                                        Capítulo 2 Clicade na imaxe

Clicade na imaxe

Clicade na imaxe

Recomendacións lectoras

Despois desas estupendas recomendacións do alumnado de 5º de primaria deixamos algunhas mais de parte de Mik. Feliz verán

Recomedacións lectoras

O alumnado de 5º de primaria, coñecedor do tempo libre que temos por diante e da maxia da lectura, trae para nós unhas recomendacións sobre lecturas que foron do seu gusto e queren compartir cos demais. Moitísimas grazas por facernos partícipes dese interese pola lectura e eses títulos que son e foron do voso agrado.

Contos con LSE

O alumnado de Infantil tivemos a sorte de poder desfrutar de outra sesión de conta-contos con LSE. Esta vez foi Aránzazu (Zazu) a que nos agasallou co seu tempo e con historias contadas co apoio da lingua de signos. Ademais de ser intérprete, sabe moito disto de unir contos con LSE e pequerrechos, pois a través de AZ lingua de signos traballa no achegamento desta lingua aos mais pequenos.

Moitísmas grazas, pola súa aportación desinteresada ao noso alumnado, e ás mestras. Unha aperta grande. 

Xogos Olímpicos e Paralímpicos

O traballo de investigación deste curso levou a moitos descubrimentos e aprendizaxes, que o alumnado de 4º tivo o pracer de compartir cos demais compañeir@s do centro, poñendo así moitas outras habilidades en marcha. De gran importancia é saber comunicar pero tamén aprender a escoitar. 

Moitísimas grazas.

Letras Galegas 17 de maio

Para conmemorar o Día das Letras Galegas e á homenaxeada deste ano: María Luisa Villalta, Mik preparou para nós unha serie de propostas que nos fixeron visitar diferentes estancias do cole. 

Primeiro, e como xa nos ten acostumados, colocou información sobre a biografía da autora nos paneis da entrada da biblio para que fosemos familiarizándonos con ela e a súa vida. Foi unha autora multidisciplinar na que non soamente a escrita formaba parte da súa vida, senon que a música ocupuo tamén un lugar importante. Así pois, as propostas tiñan que ser tamén variadas. A música estivo presente nun bingo musical, a escrita a través dos caligramas e a súa poesía conectada coas artes plásticas. Foi así que o percorrido polos distintos lugares do centro nos permitiron por en marcha diferentes habilidades.

Grazas Mik. 

Correspondencia dende París

 Pois resulta que chegou unha carta para cada unha das aulas dende París, sede dos Xogos Olímpicos e Pralímpicos. 

Ao abrilas descubrimos que gardaban unha postal dun amigo do noso Mik, outro ratiño ao que neste caso o que mais lle gusta é a cociña. O mesmísimo Ratatouille. Custounos un pouco comprender o que nos contaba porque, obviamente, a postal estaba escrita en francés e é un idioma que non dominamos. Menos mal que polo centro hai algunha mestra que si sabe e nos axudou. 

Foi unha sorpresa moi grata, así que moitas grazas a Ratouille e a Mik, que seguro que foi quen o informou de que andamos a investigar sobre os Xogos Olímpicos e Paralímpicos.

E moitas grazas a esa man que hai detras desa postal 😉

Autor@s

Tamén en Infantil tivemos o pracer de contar co autor do libro escollido este curso: Violeta as agachadas.

Foi estupendo poder descubrir de onde xorde a inspiración para esas historias que saen do maxin de Ramón Veiga e que enchen os andeis da nosa biblioteca. Así como ese lugar onde esas ideas pasan a outro soporte, un soporte no que poder seguir traballando sobre a historia e poder compartir e desfrutar con outras persoas. Un soporte que será o paso previo a ese que logo nós podemos ter nas nosas mans.

Moitas grazas e ata outra ocasión.

Autor@s

Esta vez a esperada visita foi para o alumnado de 3º de Primaria. 

Moitísimas grazas a Anxo Iglesias polo tempo compartido con nós e tamén por ese saúdo aos lectores que ten noutros cursos e que agradeceron enormemente poder compartir con el un momentiño.

Agardamos outra visita moi pronto.

Autor@s

Xa comezamos coas tan agardadas visitas das escritoras e escritores deses libros que forman parte do noso día a día dende o regreso do Nadal. Sempre é unha experiencia enriquecedora e estupenda. Soamente podemos agradecerlles que nos agasallen con parte do seu tempo para conversar con nós e compartir aspectos da súa profesión e das súas obras. Moitas grazas.

Comezamos co alumnado de 4º

Como agradecemento, este curso, ademais desa planta que entregamos coa intención de compartir vida, engadimos un xabrón feito polo alumnado.

Día da Muller. 8 de marzo

Este ano, o Día da Muller imos a adicarllo a mulleres deportistas, a mulleres que tanto por aspectos deportivos como persoais abren camiños e nos transmiten a mensaxe de que SI É POSIBLE.

Esta semana é momento de coñecelas, de que nos transmitan a súa motivación e nos axuden a ampliar os nosos coñecementos.

E aquí deixamos unhas fotografías realizando esas propostas que Mik organizou en diferentes espazos do centro. Cada unha delas relacionada cunha das protagonistas e en cada unha un reto diferente, dende actividade física ata crear con fio ao son da música ou respostar a algunhas cuestións de modo interactivo.

Conto con LSE

En Infantil a Lingua de Signos está presente no noso día a día, pois considerámola como un elemento enriquecedor, ademais de que a súa presenza axude a súa visibilización, normalización e posta en valor.

Ademais temos a sorte de que unha nai dun dos nosos compañeiros sexa unha experta na Lingua de signos e, mais sorte tivemos, cando aceptou a proposta de vir contar algún conto con LSE. Moitas grazas a Verónica por agasallarnos co seu tempo e con esta experiencia.

A Paz

A conmemoración do Día da Paz trouxo para nós información sobre as inxustizas e desigualdades que estiveron presentes no deporte e nos Xogos Olímpicos en diferentes momentos da historia. Información que serviu para establcer círculos de diálogo sobre as memas, onde poder intercambiar puntos de vista, sacar conclusións, reflexionar colectivamente... 

Alguns deses deportistas foron Kathrine Switze ou Jesse Owens.

Deixamos aquí o resultado dalgunhas desas reflexións, coas que tamén nos enfrontamos a falar diante dunha cámara.

No caso de Infantil tamén reflexionamos ante imaxes de deportistas de diferente procedencia e xénero, para chegar á conclusión de que cada quen pode practica o deporte que mais lle guste. Logo colocamos as bandeiras dos seus países nun mapa do mundo para comprobar que deportistas de países de todo o mundo compiten nos Xogos Olímpicos. Persoas de lugares moi lonxanos compartindo unha das cousas que mais lles gusta, practicar un deporte.

  

Nadal

Este Nadal, e como xa é "tradición" Mik preparou na Biblioteca o calendario de "Adviento" con información tanto do noso proxecto deste curso, como das tradicións destas datas na nosa terra e noutros lugares do mundo. 

Nadal

Para Nadal a Biblioteca volveu a prepararse para os nosos enredos cunha serie de propostas adaptadas aos diferentes cursos e relacionadas cos deportes de inverno. En cada estación había información sobre un dos deportes e unha proposta, dende pintar con cores frías a facer neve seguindo unha receita ou descubrir palabras por medio dun código, experimentar ca gravidade e o rozamento ou cos circuítos electrónicos.

Deixamos aquí algunha fotiño dos diferentes espazos e de nós mem@s desfrutando. Grazas Mik e ata pronto.