Benvida toda a comunidade educativa a este NOVO RECANTO DE MIK
O verán é un tempo longo no que desfrutar e vivir aventuras e, como xa sabedes, os libros e contos gardan moitas. É por iso que vos deixo unhas recomendacións que agardo sexan do voso agrado.
Moitas grazas pola vosa participación en todas as propostas e polas vosas iniciativas. Pronto nos vemos con novos retos e aventuras.
Bo verán!!!! Mik
As Letras Galegas deste ano adicáronse ás cantareiras e a todas esas mulleres que fixeron chegar ata nós un patrimonio inmaterial moi importante.
Sendo fundamenal coñecer o noso pasado e a nosa cultura, en Infantil fomos á biblioteca descubrir algúns dos instrumentos tradicionais. Moitos deles obxectos cotiás empregados para crear os ritmos que acompañaban ás voces. Porque por suposto que se tocaba e cantaba para divertirse e relacionarse, pero tamén para contar e dicirse cousas, para levar mellor os esforzos dos traballos e tarefas, para entreterse nas noitiñas do inverno...
Gustounos moito poder explorar e experimentar con todos os instrumentos. Temos agora mais preguntas e curiosidades que axudarán a que sigamos coñecendo parte do que nos define.
O alumnado de 4º de Primaria foi último en recibir a visita do autor. Non por iso resultou menos interesante e gratificante. Moitas grazas polo tempo compartido con nós, sempre son momentos máxicos.
A conmemoración do día do libro tivo lugar ao longo de varias semanas e arredor do libro" 20.2000 leguas de viaxe submarina "de Julio Verne, conectando co noso proxecto de centro.
Logo de averiguar de que autor e de cal dos seus libros íamos a falar, mergullámonos no mundo do fondo mariño e o Nautilos para ir superando diferentes retos que ían aparecendo no noso caderno de bitácoras. Superados todos eles chegou o momento da búsqueda do tesouro.
Os obradoiros levados a cabo no tempo de lecer chegan á súa fin. Deixamos unhas fotos dun dos da última semana xunto coa despedida das organizadoras. Moitas grazas pola iniciativa. Botaremos en falta estes momentos compartidos.
O alumnado de 5º e 6º tivo o pracer de compartir un tempo con eva Mejuto. Como despedida non podía faltar a ansiada firma en cada un dos exemplares. Moitas grazas polo teu tempo e polo teu interese. Agardamos novas historias.
O alumnado de 4º de Primaria tivo o pracer de compartir tempo e conversas co autor Miguel Diz, ao que agradecemos a súa visita, o seu cariño e bo facer. Ademias, por suposto, das historias que nos comparte a través dos seus libros.
Esta vez tivemos a visita do escritor David Rodríguez, que chegou para falarnos do seu libro "Superavoa". E para traer sorpresas musicais.
Moitísimas grazas polo tempo compartido con nós, foi un pracer. De seguro que habemos de vernos en mais ocasións.
As axudantes de biblioteca de 6º prepararon para o alumnado de 5 anos un obradoiro a partir do conto Simón corazón de camaleón. O obradoiro tivo lugar en diferentes días. Comezaron contando a historia a partir de material en formato papel e dixital elaborado por elas e continuou cunha proposta plástica levada a cabo ao longo de tres xornadas.
Foi unha experiencia fantástica. Grazas pola vosa iniciativa e organización de cada unha das sesións, inclusive dos tempos de espera. Grazas tamén a todos os adultos que fomentades e permitides que estas iniciativas teñan lugar. Estes, mais os previos, son momentos de grande aprendizaxe. Non pode haber aprendizaxe mais significativa, mais ampla e enriquecedora. Outro momento de ser escola e de crecemento persoal.
Lembrades a Luísa Capetillo e a Arminda dos pantalóns? Pois con elas como inspiración, o noso Mik deixou na aula para actividades plásticas unhas caixas con diferente material (unha para cada curso) e material para compartir e nos propuxo empregar as nosas dotes artísitcas e de deseño para decorar uns pantalóns. Ao mesmo tempo, nos obradoiros da biblioteca elaboraron unhas pancartas. E con todo iso fixemos unha montaxe no peche da nosa escola, cun código QR elaborado polo alumnado de 6º no que explicaban de que se trataba a actividade, para que as nosas familias e veciños soubesen en que andivemos a traballar.
Como xa sabedes, no tempo de lecer, os luns e os xoves, hai obradoiros de diferente tipo na Biblioteca. Deixamos aquí unhas imaxes duns deses obradoiros desta semana.
Ao alumnado de Infantil veunos a visitar Ledicia Costas co seu libro "Sete dentes de león". Encantounos o libro. Desfrutamos escoitando a historia pero tamén xogando con el e cun dos seus elementos. Un que sempre nos cautiva pola súa maxia e fermosura: o arco da vella.
Grazas polo conto, pola túa visita e a túa calma e dozura neste tempo compartido con nós.
Xa comezamos coas tan agardadas visitas das autoras e autores deses libros que levamos un tempo traballando. Que gusto poder compartir un tempo con elas e eles, poñerlles cara, saber cousas das súas historias... Como sempre un pracer. Moitas grazas.
Neste caso comezamos con Marta Vilar e as historias do seu canciño.
O día 8 de marzo conmemórase o Día da Muller e, aínda que todavía falta, o noso amiguiño xa andivo a darlle á cabeza e a facernos propostas. Se para a Paz se inspirou nunha canción, neste caso o fixo nun libro titulado "Los pantalones de Luisa". Os nosos axudantes de biblioteca puxeronlle voz a esta historia para que todo o alumnado do centro puidese coñecela. Moitas grazas.
Como xa vos contamos, o día 30 foi o día de ver o noso vídeo e recoller a botella para ler as mesaxes e decidir que queríamos facer con elas. As opcións eran case infinitas. Imos a contarvos algunhas: o alumnado de 3 anos decidiu facer con elas bandeiras para o seu castelo e que así formasen parte do seu día a día, o alumnado de 5 anos elexiu unha imaxe relacionada con cada frase para poder lembrala cada vez que visen a imaxe, logo as colocaron nun lugar especial da aula; tamen en 2º e 3º decidiron telas presentes e ben visibles nun espazo determinado da súa aula.
Como vedes, o punto en común foi que estivesen á vista para poder lembralas e acudir a elas en calquera momento do noso tempo na escola. Deste xeito poderán reconfortarnos, axudarnos a xestionar situacións, a valorar as pequenas cousas... En definitiva, a estar mais a gusto con nós mem@s e cos demais.
O verán é un tempo longo no que desfrutar e vivir aventuras e, como xa sabedes, os libros e contos gardan moitas. É por iso que vos deixo un...
