Autor@s: Eva Mejuto

O alumnado de 5º e 6º tivo o pracer de compartir un tempo con eva Mejuto. Como despedida non podía faltar a ansiada firma en cada un dos exemplares. Moitas grazas polo teu tempo e polo teu interese. Agardamos novas historias.

                               

                                                       

Autor@s: Miguel Alonso Diz

O alumnado de 4º de Primaria tivo o pracer de compartir tempo e conversas co autor Miguel Diz, ao que agradecemos a súa visita, o seu cariño e bo facer. Ademias, por suposto, das historias que nos comparte a través dos seus libros.

Autor@s: David Rodríguez

Esta vez tivemos a visita do escritor David Rodríguez, que chegou para falarnos do seu libro "Superavoa". E para traer sorpresas musicais.

Moitísimas grazas polo tempo compartido con nós, foi un pracer. De seguro que habemos de vernos en mais ocasións.

Obradoiros

As axudantes de biblioteca de 6º prepararon para o alumnado de 5 anos un obradoiro a partir do conto Simón corazón de camaleón. O obradoiro tivo lugar en diferentes días. Comezaron contando a historia a partir de material en formato papel e dixital elaborado por elas e continuou cunha proposta plástica levada a cabo ao longo de tres xornadas. 

Foi unha experiencia fantástica. Grazas pola vosa iniciativa e organización de cada unha das sesións, inclusive dos tempos de espera. Grazas tamén a todos os adultos que fomentades e permitides que estas iniciativas teñan lugar. Estes, mais os previos, son momentos de grande aprendizaxe. Non pode haber aprendizaxe mais significativa, mais ampla e enriquecedora. Outro momento de ser escola e de crecemento persoal.

8 de marzo

Lembrades a Luísa Capetillo e a Arminda dos pantalóns? Pois con elas como inspiración, o noso Mik deixou na aula para actividades plásticas unhas caixas con diferente material (unha para cada curso) e material para compartir e nos propuxo empregar as nosas dotes artísitcas e de deseño para decorar uns pantalóns. Ao mesmo tempo, nos obradoiros da biblioteca elaboraron unhas pancartas. E con todo iso fixemos unha montaxe no peche da nosa escola, cun código QR elaborado polo alumnado de 6º no que explicaban de que se trataba a actividade, para que as nosas familias e veciños soubesen en que andivemos a traballar.

Obradoiros

Como xa sabedes, no tempo de lecer, os luns e os xoves, hai obradoiros de diferente tipo na Biblioteca. Deixamos aquí unhas imaxes duns deses obradoiros desta semana.

Autor@s: Ledicia Costas

Ao alumnado de Infantil veunos a visitar Ledicia Costas co seu libro "Sete dentes de león". Encantounos o libro. Desfrutamos escoitando a historia pero tamén xogando con el e cun dos seus elementos. Un que sempre nos cautiva pola súa maxia e fermosura: o arco da vella.

Grazas polo conto, pola túa visita e a túa calma e dozura neste tempo compartido con nós.  

Deixámosvos un pequeno video que compartimos con ela para que vexades para cantas cousas nos deu o libro.

Autor@as: Marta Villar

Xa comezamos coas tan agardadas visitas das autoras e autores deses libros que levamos un tempo traballando. Que gusto poder compartir un tempo con elas e eles, poñerlles cara, saber cousas das súas historias... Como sempre un pracer. Moitas grazas.

Neste caso comezamos con Marta Vilar e as historias do seu canciño.

8 de marzo

 O día 8 de marzo conmemórase o Día da Muller e, aínda que todavía falta, o noso amiguiño xa andivo a darlle á cabeza e a facernos propostas. Se para a Paz se inspirou nunha canción, neste caso o fixo nun libro titulado "Los pantalones de Luisa". Os nosos axudantes de biblioteca puxeronlle voz a esta historia para que todo o alumnado do centro puidese coñecela. Moitas grazas.

Ademais deixounos información da nosa Luisa, dunha Luisa galega, unha muller da Guarda que hai moitos anos se enfrontaba aos estereotipos. Aínda que no seu tempo non foi moi aceptada, anos despois si foi valorada a súa fortaleza e ata compuxeron unha canción coa súa historia. 

Pero estade atent@s porque a cousa non rematou aí. Xa vos contaremos a proposta completa.

A Paz

Como xa vos contamos, o día 30 foi o día de ver o noso vídeo e recoller a botella para ler as mesaxes e decidir que queríamos facer con elas. As opcións eran case infinitas. Imos a contarvos algunhas: o alumnado de 3 anos decidiu facer con elas bandeiras para o seu castelo e que así formasen parte do seu día a día, o alumnado de 5 anos elexiu unha imaxe relacionada con cada frase para poder lembrala cada vez que visen a imaxe, logo as colocaron nun lugar especial da aula; tamen en 2º e 3º decidiron telas presentes e ben visibles nun espazo determinado da súa aula.

Como vedes, o punto en común foi que estivesen á vista para poder lembralas e acudir a elas en calquera momento do noso tempo na escola. Deste xeito poderán reconfortarnos, axudarnos a xestionar situacións, a valorar as pequenas cousas... En definitiva, a estar mais a gusto con nós mem@s e cos demais. 

A Paz

 Para o Día da Paz o noso amigo Mik elexiu como inspiración unha canción titulada "Abriendo caminos", que aquí vos deixamos.

Logo de ver o vídeo e conversar sobre o mesmo e a letra da canción, a proposta foi crear oito mensaxes positivas, consellos de vida... Unha para cada un dos grupos do cole. Listas as mensaxes tocaba agardar a visita dun representante de cada aula que, coa súa botella, ía a percorrer o cole para recoller as súas mensaxes. A botella quedaría logo no noso mar, pois na nosa cidade, tema central do proxecto deste curso, o mar ocupa un lugar moi importante. 

Deixamos tamén o vídeo elaborado coa canción como fonte de inspiración e os nosos camiños na procura das mensaxes.

Clicade  na imaxe

E no noso mar, coas Cíes de fondo, quedaron as botellas ata o día 30. Ese foi o día no que visualizar o noso vídeo e recoller a nosa botella para ler as mensaxes, conversar sobre o seu significado e decidir que facer con elas, para telas visibles e que nos acompañen ao longo deste curso como fonte de inspiración, de sosego, de esperanza...

Moitas grazas aos mestres e ao alumnado e tamén as axudantes que acompañaron o noso camiño e fixeron a montaxe. 

Grazas

O noso amiguiño Mik quixo agradecer a colaboración das nosas axudantes durante este primeiro trimestre. A súa colaboración e tan necesaria como enriquecedora.

Obradoiros

Pois o último obradoiro foi sobre Papiroflexia. Ademais de ser moi entretido, nos axuda a perfeccionar a nosa atención e concentración, a motricidade fina, a orientación e moitas cousas mais.

Moitas grazas, como sempre, ás nosas axudantes organizadoras. 

Atent@s que o novo trimestre chega cargadiño de mais propostas.

Obradoiros para o tempo de lecer

Lembrade que parte das nosas axudantes de biblioteca teñen preparadas esta semana unhas propostas que terán lugar o luns e o xoves na biblioteca durante o tempo de lecer. Animádevos a participar. 

Moitas grazas a elas pola inniciativa. 

Xa está listo o calendario cos obradoiros do mes de decembro. Podedes consultalo na porta da biblioteca.

Xa hai moitas compañeiras e compañeiros que comezaron a desfrutar deles.

Nadal

Chegou o Nadal e con el o noso xa tradicional "Calendario de Adviento". Nel atoparedes información sobre a nosa cidade, centro do noso Proxecto de centro, así como propostas e preguntas que resolver. Tamén cousiñas vinculadas coa nosa música tradicional, pois como xa sabedes, este curso o Día das Letras Galegas estará presente de xeito transversal ata o seu remate alá por xuño. E, por suposto, cousiñas de Nadal.

O noso ratiño agarda que desfrutedes moito desas visitas diarias á biblioteca para descubrir que agocha cada bolsiña.